"Tarasul Iban Daman" Bismilla Hil Hak,Islam Ayaw Masak
Suga Bulan Similak, Siya In Tag Mustahak
Bismilla In Tag Naan, Tarasul Iban Daman
Ampa In Tag Hi Nangan, Budaya Suluk In Ngan
Kabudayaan Suluk, Walah Nakatatapuk
Nag Isun Kami Nag Tibuuk,Lagih Nag Hambuuk.
Tarasul Ampa Kissa, Karnival Budaya Sin Bangsa,
Minsan Kandi Na Bahasa,Subay Mag Kasilasa
Suluk,Kagayan,Bajau,Sugai,Bugis,Kadazan,Brunei
Hisiyo In Mapanday Siya In Makaablay, Biya Mag Bagay-Bagay
Wadaka Wadaki, Hamut Kapayalaki,
Bauh-Bauh Mabunsi, Sakali Tuwih Nag Kakasi
Wadaka Wadakaw, Hamut Dahun Sibukaw
Bauh-Bauh Mahukaw, In Bayah Naka Labbaw
Tarasul Ampa Kalangan, Sublihan Tana Sin Daman
Manah Tah Lupu, Kimitah Pag Tanuman
Bang Aun Katanaman, Duun Na Kami Mag Jambangan
Manuntun Na kami Hagdan, Mangulih Binusan
Ha Pamama Igalan, Mapatag Paminggalan
Bang Dihda Masawkap Sin Untung,Masamban Sin Suratan
Ha Pang Jung Jungan, Ha Panambilawangan
Mag Balik Badjuh Dakuman, Mag Butang Ka Ipatan
Wa ILallikah Wabahdu Wassalam.
~Hasil karya~
En.JuL Pajiji & Ck.Mai Omar Sangkula
Karnival Budaya Sandakan 2007
Date: 30 Jun 2007
Venue: Padang Bandaran Sandakan
